§2. Naudsynet av Trua.
25) Er Trua naudsyn for å verte sæl?
-Trua er ubetinga naudsyn for sæla, for Kristus seier: "Den som ikkje trur, han er alt dømd", og "Den som ikkje trur, han skal verta fordømd." (Joh 3:18 og Mark 16:16.) "Utan tru er det umogeleg å behage Gud." (Ebr.11:6)
26) Fører kvar ei tru til sæle?
-Nei, berre den sanne Trua som Kristus lærde oss gjer oss sæle. Det er slik usant å seie at det ikkje kjem an på trua, att det er likegyldig kva slags tru ein har.
27) Kva for Kyrkje har den sanne, av Kristus lærde Trua?
- Den sanne, av Kristus lærde Trua har den Katolske Kyrkja åleine.
28) Kvifor har den Katolske Kyrkja åleine den sanne, av Kristus lærde Trua?
- Katolske Kyrkja åleine har den sanne, av Kristus lærde Trua, då ho åleine har av Kristus og Apostlane motteke og alltid uforfalska bevara denne Trua.
29) Har då ikkje dei ikkje-katolske religionssamfunna og av Kristus og Apostlane motteke og alltid uforfalska bevara si religionslære?
- Nei; for 1) dei har ikkje motteke si truslære av Kristus og Apostlane, då dei fyst lengje etter Kristus og Apostlane har oppkome; 2) dei har ikkje uforfalska bevara det, som av Kristi lære gjennom den Katolske Kyrkja har komme dei til del, då dei lærde somme tider det eine og somme tider det andre, mens Kristus og Apostlane alltid lærde det same.
30) Då det no er slik at den sanne Trua er naudsyn for sæla og den sanne Trua ikkje kan vere noko anna enn den Katolske Trua, er det då ikkje ei stor nåde å vere katolikk?
- Jau; å vere katolikk er ei særs stor nåde, og me kan aldri takke Gud nok for dette.
Utføring: Gled deg og takk Gud ofte for at du er eit barn av den Katolske Kyrkja; for det vert gjeve "ingen større rikedom, ingen større skatt enn den Katolske Trua." (Den heilage Augustinus.)
§3. Trua sine eigenskapar.
31) Korleis må trua vår vere kjenneteikna?
- Trua vår må vere 1) fullstendig, 2) fast, 3) standhaftig, 4) levande.
32) Når er trua vår fullstendig?
- Trua vår er fullstendig når me ikkje berre trur nokre, men alle lærer som den Katolske Kyrkja held fram for oss til tru.
33) Når er trua vår fast?
- Trua vår er fast, når me ikkje i den minste sak frivillig tvilar på ei ende truslære.
34) Når er trua vår standhaftig?
- Trua vår er standhaftig når me er klare til å heller avstå frå alt, til og med livet, enn å falle ifrå trua. Døme: Dei heilage martyrane.
35) Når er trua vår levande?
- Trua vår er levande når me lever etter den same, d.v.s å flykte frå det onde og gjere det gode, slik som trua foreskriv. "For liksom lekamen er daud utan ånd, so er og trui daud utan gjerningar." (Jak 2:26.)
36) Er det nok å bevare trua i hjartet?
- Nei; me må og sanne trua i det yttre. "Den som då kjennest ved meg for folk, han skal eg og kjennast ved for Far min i himmelen; Men den som fornektar meg for folk, han skal eg og fornekte for Far min i himmelen." (Matt 10:32-33.)
37) Gjennom kva for teikn sannar ein katolsk kristen vanlegvis trua si?
- Ein katolsk kristen sannar vanlegvis trua si gjennom det heilage Krossteiknet. Gjennom det heilage Krossteiknet sannar me trua vår på hovudløyndomane i den kristne religionen, nemleg den høgheilage Treeinigheita sin løyndom, og på løyndomen av vår utløysing gjennom Kristi krossdød.
38) Når skal me gjere Krossteiknet?
- Det er i sanning godt og gagnleg å gjere Krossteiknet ofte, særskild når ein stig opp og når ein legg seg, innan og etter bøn, føre kvar gong ein skal gjere eit større arbeide, i freistingar og farer.
Utføring: Vert aldri flau over den Katolske Trua eller Krossteiknet. Pass deg nøye for alt som inneber ei fare for trua, særskild for nyfikenheit, grubbling over religionens løyndomar, for lesning av dårlege bøker og skrifter samt for omgjenge med utrue og lastfulle menneske.
Takk Jesus Kristus for at ingen kan skilja oss frå din kjærleik. Takk for at du er trua si opphavsmann og fullendar og har åpna augo mine for ditt ord slik at eg kan komma til deg med takk og tru og ta imot deg. Takk for at det er nok at du har sagt du har kalt meg ved navn, at eg er din. Du som skapar den sanne trua i meg Herre, bevar meg i ditt ord, i di sanning, bevar meg frå falsk trøyst i tradisjon, mennesketankar, ritualer i både luthers og det katolske namnet. Takk for at den som set si lit til deg ikkje blir gjort til skamme. For du er god og di miskunn varer til evig tid. Takk for truas gåve, som du i nåde gir, som knytter oss sammen til evig tid. Ikkje kva som helst tru, men trua på deg, vårt einaste håp, du som seier til oss; trua di har frelst deg, gå bort å synda ikkje meir. Takk at vi får vera dine born, kjøpt fri med blod på et kors, kledd i rettferd og utrusta til teneste for deg i ditt rikes arbeid som sprenger alle kirkestrukturers grenser. Takk at du tar i mot dei som påkallar deg, om trua er svak og brister eller kan flytta fjell; det forandrar ikkje kven du er. Handa di er ikkje for kort til å frelse. Eg prisar deg for at du var, er og vil være, ein sann Gud fra æve til æve. Amen
SvarSlettSkal ein vere Kristen må det finnast ein definisjon på kva som er sann Kristendom og kva som ikkje er det. Den som vil sprenge "Kyrkjestrukturen" og kallar den Kristne Tradisjonen for "falsk trøyst" motseier seg sjølv, ettersom dei hevdar å vite at Bibelen er Guds Ord, samstundes som dei forkastar den Tradisjonen som åleine har kanonisert (nestan 400 år e.Kr.)og forvalta Bibelen fram til opprøret(reformasjonen). Utan denne Tradisjonen og Trua skulle me ikkje ha nokon Bibel i dag. Har då Gud benytta seg av noko heilt upåliteleg og berre "menneskeleg" for å gje oss sanninga? Er Kristendomen berre for dei som kan lese og for dei som har eit skriftspråk? Var det ikkje ei Kyrkje Herren Jesus kom for å byggje på jorda, og var det ikkje på St.Peter som Han skulle byggje henne? Korleis kan trua på Kristus frelse deg om du ikkje har ein påliteleg, ufeilbarleg definisjon av kva dette inneber? Har då den som kallar på Kristus og sannar den mormonske teologien eller er eit jehovas vitne og frelsa, berre fordi dei sjølve hevdar å ha det..? Dei har då like stor rett til å kalle seg "kristne" som andre dersom me skal forkaste kyrkjestrukturen og Tradisjonen.
SvarSlett